విశ్వశాంతి యుద్ధం

తరతరాల చరితం

ఇది రగులుతున్న భరతం

తీవ్రవాద కోరల్లో సామ్యవాదం 

ఉగ్రవాద ఉక్కుపాదం కింద లౌకికవాదం

మదోన్మాద మతమౌడ్యం

కుతంత్రాల కులజాడ్యం 

ఈ రెంటిదే ఈనాటి ఈ రాజ్యం 

మువ్వన్నెల పూరేకుపై ముష్కరుల నీలి చారలు 

ప్రపంచాబ్జపు తెల్లరేకుపై అమాయకుల రుధిర ధారలు

విశ్వశాంతి యుద్దానికి  ఏ గాంధీ నాంది పలికేనో?

ఏ నెహ్రు దానికి గొంతు కలిపేనో ? 

నా ప్రాణాలు

వెదురంటి నా మనసును వేణువే చేసింది

కుదురైన నిదురలో కలలెన్నో రేపింది

భ్రమరాలే భ్రమిసే పువ్వంటి అందం

చెలి చెక్కిలిపై పూసే సింధూర గంధం

చిరునవ్వులోనే సిరులెన్నో వొలికించె

సిరిమువ్వ తానే తన పాదాన తలవంచె

తన సాటి అందం ఈ జగాన లేదు

నా ప్రాణాలు ఐదు చేసాను తన కలల ముంగిట ఖైదు